الجزء الثآني من قصه فيصل ونوره

في المدرسه وقت الفسحه..
مهى : يالله بنات اخلصوا وافرشوا السفره قبل ماتصفر وتبدا الحصه الرابعه
نوره :(وهي تطلع ورق العنب ) بنات اعذروني تراني جبته جاهز ماسويته لكم والله ماكنت فاضيه
خلود : لا ياشيخه انا كنت عندك امس وبالك ابد ماكان معي اعترفي نويره
نوره(بابتسامه خفيفه) لايكثر يالملقوفه وخلينا نذوق حلاك الله يستر
هديل :(وهي تصب القهوه) بنات الحين كم باقي اسبوع على الاجازه بين الترمين ؟
مهى : باقي اسبوع على الاختبارات يعني بالكثير باقي ثلاث اسابيع
نوره : اف واخيرا ليتها عاد طويله كلها اسبوعين
خلود(تضحك) ايه والله صادقه نواره كلها اسبوع مايمدينا نطلع الا المدرسه جايه
هديل : وش رايكم بقهوتي ؟
مهى : تجننننننن
نوره : حلوه هدوله اثره عندك مواهب من ورانا
هديل : ( بضحكه) اي مواهب كلها قهوه وماعرف شي ثاني
خلود (وهي تطالع بهديل وتغمزلها) علينا الحركات هدوله والحلا اللي مسويته للمعلمات ذاك اليوم وشو
هديل :(باين عليها الخجل) زين بس حلاواحد
نوره : لاهدوله ماشاء الله عندك مواهب اتحدى خلود تجي مثل مواهبك (وتضحك)
مهى : ياحبكم للكلام الحين تصفر وانتم مابعد خلصتوا
(وتصفر الحصه ويلمون الاكل والقراطيس ويرمونها وينتهي الدوام وترجع نوره للبيت )
ام خالد : هلا يمه نوره
نوره : هلا يمه اووووف اليوم تعبت بشكـــل
ام خالد :(بضحكه) ليش نواره حبيبتي
نوره: حوسه وحفله وحصص تعرفين يمه وحر
ام خالد: خلاص روحي غيري ملابسك عشان نتغدا
نوره : لا يمه مالي خلق غدا بروح انام
ام خالد: نواره حبيبتي ترى ازعل عليك وشو مابي غدا
نوره : تكفين يمه مالي نفس غدا بروح انام مانمت زين امس
ام خالد: خلاص يمه اقومك العصر بدري عشان تذاكرين
نوره: ان شاء الله يمه

(تدخل نوره غرفتها وتغير ملابسها وتتذكر رسالة العضو والمنتدى والنت بكبره )
نوره : انا الحين ليش خفت وارتبكت يوم انه يرسلي ويطلبني اضيفه على الماسنجر عادي كلها اضافه بشوف وش عنده واكيد بعدها بحذفه والله اشتقت للمنتدى واللعب هناك خلني اروح افتح النت وادخل المنتدى من زمان عنه بشوف وش صار فيه ومنها ارد على العضو ..
فتحت نوره النت وضافت العضو عندها في الماسنجر
واول ماضافته تفاجات انه (متصل الان)
العضو : هلاوالله تو مانور الماسنجر
نوره : (بخجل) هلا فيك اخوي النور نورك
العضو :هلا فيك القلب الحنون شلونك وش اخبارك وينك اختفيتي عن المنتدى (على فكره نوره بالمنتدى كانت مسميه نفسها القلب الحنون والعضو مسمي نفسه حلم وسراب
نوره : الحمد لله بخير والله تعرف الاختبارات قربت وانا اخر سنه لازم اشد حيلي
العضو : ليش كم عمرك ؟؟
نوره: عمري 18 سنه
العضو: العمر كله
نوره( بعد تردد) وانت ؟؟
العضو : انا عمري 19 اكبر منك بسنه
نوره : العمر كله اخوي حلم وسراب
العضو : نوره انتي من وين ؟
نوره : ليش ؟
العضو : لاابد بس حاب اعرف لان لهجتك ماهي بغريبه علي
نوره : ارجع قصيميه
العضو : هلاوالله بالقصمان ياحبني لهم
نوره ( وهي مستحيه) تسلم الله يخليك ليش انت من وين ؟
العضو : انا من الرياض
نوره : هلاوالله بالرياض واهلها ومن سكن فيها (نوره كانت تحب الرياض مره لان اهل امها ساكنين هناك وكانوا كل سنه يروحون لهم)
العضو : حيا الله القلب الحـ ... تعالي وش اسمك ؟ مايصير اناديك القلب الحنون مشوار (ضحكه)
نوره : مايخالف نادني القلب
العضو : شدعوه عاد القلب الحنون خايفه مني
نوره : لاوش منه اخاف بس افضل انك تناديني بالقلب
العضو : براحتك ماحب اضغط عليك متى ماحبيتي تقولين قولي
نوره ( وهي تفكر) طيب انت شسمك ؟
العضو : اسمي فيصــــــــل
نوره : اها عاشت الاسامي اخ فيصل
فيصل : (ضحكه) هاه ماغيرتي رايك ماودك تقولين اسمك
نوره :(وهي متردده) نوره
فيصل : عاشت الاسامي نوره اسمك حلو
نوره : تسلم اخوي فيصل
فيصل : الساعه كم عندك ؟
نوره : الساعه 3:23 الظهر ليه ماعندك ساعه ؟
فيصل : الا بس وقتنا غير عنكم
نوره : ايه اتوقع انتم متقدمين عنا بربع ساعه
فيصل : لا انا الحين الساعه 4 الفجر
نوره (على وجهها استغراب) شلون ؟ ليش انت مو في الرياض ؟
فيصل : لا انا بلندن
نوره : بلندن ؟ ليش وش تسوي هناك بعدين انت ماتدرس ؟
فيصل الا ادري بس هالنسه قعدت ماكملت ورحت مع ابوي لندن عشان يعالج وان شاء الله السنه الجايه اكمل دراسه باخر سنه
نوره : ابوك يعالج ؟ خير عسى ماشروش فيه ؟
فيصل : الكلا عند ابوي تعبانه يانوره ادعيله تكفين
نوره : الله يشفيه ويخليه لك
فيصل : يالله نوره انا بطلع الحين بروح لاابوي المستشفى تامريني شي؟
نوره : سلامتك
فيصل : مع السلامه
نوره : مع السلامه
(طالعت نوره في الساعه لقتها 4 العصر)
يوووه مانمت الحين امي تقومني وتبيني اذاكر وانا فيني النوم خلاص احسن شيء اكتب بورقه على الباب اني مانمت بدري تعبانه ولاتقوموني
وفعلا سوتها نوره ونامت
ام خالد قامت وجت بتطق الباب على نوره تقرا الورقه مكتوب فيه ( يمه انا تعبانه مانمت بدري خلوني انام لاتقوموني لين ماشبع نوم )
ام خالد ضاق صدرها لان كان ودها تقوم نوره عشان تذاكر
راحت ام خالد عند بو خالد يسولفون وعادل قاعد يحل واجباته وخالد عند التيفون على نار ينتظر الرد على قبوله او رفضه في الوظيفه
يرن التليفون ويرد خالد
خالد : الو .. هلا ( باين عليه الربكه)
صاحب العمل : السلام عليكم .. الاخ خالد موجود ؟
خالد : عليكم السلام انا خالد
صاحب العمل : اهلين خالد كيفك ان شاء الله تمام
خالد ( على اعصابه) : بخير الله يسلمك
صاحب العمل : خالد احب ابشرك انك انقبلت في الوظيفه وراح تنتقل عندنا في كندا في السكن عشان تكون قريب موافق والا ؟
خالد ( فرحان وبنفس الوقت زعل من سالفة انه يروح كندا) : الله يبشرك بالخير خلاص ان شاء الله مايصير الا كل خير انا اشاور الاهل واردلك
صاحب العمل : خير ان شاء الله
(سكر خالد التليفون وراح عند امه وابوه فرحان)
خالد : يمه يبه قبلووني بالوظيفه



آنتظروني بالجزء الثآلث

شكرااااااااااااااااااااااااااااااااااااااااااااااااااااااا
على القصة حلووووووووووووووووووووووووووووووة اكثير