قصـة فيصل و نوره تكمله

بعد مرور شهر من المدرسه
نوره وهي مع بنات عمتها (اسيل ونوف ) اسيل بنت عمة نوره وهي الاقرب لها من نوف لانها كانت تدرس معها لكنها بطلت دراسه ونوف بنت عمتها الثانيه واكبر من نوره ومن اسيل وساكنه بجده وقليل تزورهم ..

(كانوا قاعدين سهرانين الثلاثه سوالف ورقص ويغنون)
نوره : اسيل صحيح ماودك تكملين دراسه ؟؟
اسيل : لااااا وش ابي فيها اسكتي واللي يعافيك نواره ماصدقت طلعت منها امي كل يوم تحن على راسي تقولي الا ترجعين وتكملين دراسه
نوف : وليه ماتكملين دراسه الحين الوحده قيمتها بشهادتها
اسيل : تكفون غيروا السالفه
نوره : حظك اسيل ليتني مثلك
نوف : نواروووووه وشو حظك وليتني مثلك لاانتي ان شاء الله بتكملين دراستك وبتدخلين الجامعه مثلي
نوره : ايييه الله يعييين
(وكملوا سهرتهم ورقصهم ووناستهم)

رجعت نوره للبيت دخلت عند ابوها بالمكتبه
نوره : هلا يبه مساك الله بالخير
بو خالد : هلا نواره وينك تاخرتي عند اسيل
نوره : والله تونسنا يبه خاصة ان بنت عمتي نوف جت من جده
بوخالد: والله شلونها وش اخبارها ؟
نوره: زينه يبه ماعليها
بو خالد : من جابك ؟؟
نوره : افا عليك يبه بيتهم لاصق في بيتنا مايبيلها شيء
بو خالد : ايه يمه بس اخاف عليك حتى لو كانوا ساكنين معنا في نفس البيت
نوره: (ضحكه) لهالدرجه يبه تخاف علي ؟؟
بو خالد : ماعندي اغلى منك ياعيون ابوك
نوره : تسلملي يبه الله لايحرمني منك
بر خالد : يالله نامي بدري يمه عاد الاختبارات قربت وهالله اهالله شدي حيلك ابي درجات ترفع الراس خاصة انك اخر سنه
نوره : ان شاء الله يبه يالله تصبح على خير
بو خالد : وانتي من اهل الخير

تروح نوره لغرفتها وتفسخ ملابسها وتلبس بيجامتها وتنسدح على سريرها ماهو جايها النوم تقلب يمين ويسار ماهو راضي يجيها النوم
قالت من زمان مافتحت النت خلني اروح اتسلى فيه يمكن يجيني النوم
وتدخل النت نوره وتتصفح المنتديات اعجبها منتدى وسجلت فيه وقعدت تشارك فيه ومرت الايام ونوره تعلقت في المنتدى وحبته وصار شغلها الشاغل وكانت تلعب فيه مع الاعضاء بالالعاب الموجوده في المنتدى وكان فيه عضو من الاعضاء يميل لها فـمره من المرات كانت عندها صديقتها خلود ويلعبون وتوريها المنتدى ومشاركاتها والمواضيع وفجا الا تلقى رساله خاصة بالمنتدى من العضو اللي يميل لها ..
نوره ارتبكت وخافت وقال في نفسها وش يبي ومن جهة ثانيه خافت لاخلود تشك فيها .. سكرت نوره النت وقالت لخلودخلينا نسولف افضل
خلود : ليش ماوريتيني باقي مشاركاتك
نوره :( باين على وجهها الربكه) بعدين بعدين
خلود : زين وش قلتي وش بتجيبين بكره للحفله ؟
نوره : مدري يمكن اجيب ورق عنب
خلود : خلاص وانا بجيب حلا وهديل تجيب القهوه ومهووي تجيب الفطاير وعبير تجيب ... و .... و..
(نوره بالها مو مع خلود بالها مع الرساله اللي جتها في المنتدى من العضو تقول وش كاتب فيها وش يبي )
خلود : اوكي نوااره ؟
نوره : هااه .. ايه ايه اوكي
خلود: مانتي معي مره اليوم المهم انا طولت على اهلي بتصل اخليهم يرسلون السواق
نوره : بدري خلود( وهي في قلبها ودها تطير وتقرا الرساله)
خلود : نجتمع بكرا ان شاء الله بالمدرسه
نوره : ان شاء الله على خير
(وتجي سيارة خلودوتروح نوره تطير لغرفتها الا تلقى عادل قاعد )
نوره : عادل خير وش تبي ؟
عادل : خير بوجهك صديقتك مابغت تروح وش رايك نلعب بلاي ستيشن ؟
نوره : من جد فااااااااااااضي اقول بس اطلع انا فيني النوم بنام بكرا عندي حفله ولازم اقوم بدري
عادل : افا الحين انا صرت على الهامش
نوره : عادلوووه مالي خلقك بتطلع والا انادي ابوي
عادل : خلاص بطلع وخلك تجين بعدين تكلميني ( طلع وهو زعلان)
سكرت نوره الباب وفتحت النت وراحت تشوف الرساله تفاجات نوره فيها ومن الكلام المكتوب فيها
كتبلها العضو انا معجب فيك لكني مستحي منك ومدري وش بتكون ردة فعلك لكن اتمنى انك تضيفيني على الماسنجر ..
نوره محتاره وخايفه وماتدري وش تسوي طبعا ماردت على الرساله وسكرت جهازها وقامت تنام
جاء الصبح سلمت نوره على امها وابوها وقعدت تفطر معهم .. شافت خالد لابس ومتكشخ وبيطلع
نوره : خالد على وين كل هالكشخه ؟
ام خالد : ماتدرين ان خالد عنده مقابله اليوم على الوظيفه
نوره : صدق والله مبروك خالد
خالد : باركيلي اذا قبلوني .. اما الحين ادعولي
بو خالد : الله يوفقك يبه وان شاء الله هالوظيفه من نصيبك
نوره: ان شاء الله يبه
(راحوا للمدرسه نوره وعادل وصلهم ابوهم كالعداه وراح لشغله)

للقصه بقيه وارجوا ان تصبرون علي

يسلمو علي الطرح القيم

دمت لنا وللمنتدى

لك باقة من اجمل الزهور